Description
Sampurn Buddhimapan | संपूर्ण बुद्धिमापन By K-Sagar Publication
के’सागरीय…
महाराष्ट्र लोकसेवा आयोगाच्या परीक्षांसाठी प्रकाशनाने आतापर्यंत प्रकाशित केलेल्या सर्वच पुस्तकांना विद्यार्थिमित्रांचा उत्तम प्रतिसाद मिळाला आहे. विद्यार्थिमित्रांचा हा प्रतिसाद व प्रकाशनावर त्यांनी दाखविलेला अतोनात विश्वास यांमधून मिळालेल्या प्रेरणेतूनच ‘संपूर्ण बुद्धिमापन’ या पुस्तकाची ही संपूर्ण सुधारित व विस्तारित पस्तिसावी आवृत्ती आपल्या हाती देणे शक्य झाले आहे.
हे पुस्तक लिहिताना महाराष्ट्र लोकसेवा आयोगाच्या गट ब व गट क आणि तत्सम परीक्षांमधील तद्वतच सर्व प्रकारच्या सरळसेवांमधील ‘बुद्धिमापन चाचणी’ हा उपविषय व राज्यसेवा पूर्व परीक्षेच्या ‘सामान्य क्षमता चाचणी’ या विषयातील ‘बुद्धिमापन चाचणी’ हा घटकविषय या सर्वांच्या स्वरूपाचा, त्यांवर विचारल्या जाणाऱ्या प्रश्नांचा व त्यातून प्रतीत होणाऱ्या अभ्यासक्रमाचा प्रामुख्याने विचार केला असला, तरी महाराष्ट्रीय विद्यार्थ्यांना हा विषय संपूर्णपणे आकलन व्हावा व अन्य स्पर्धा परीक्षांमधील इंग्रजी भाषेतील पेपरही त्यांना उत्कृष्टरीत्या सोडविता यावेत, अशा रीतीने या पुस्तकाची रचना केली आहे. पुस्तकाची रचना करताना राष्ट्रीय प्रज्ञाशोध परीक्षा व अन्य शिष्यवृत्त्यांसाठी होणाऱ्या परीक्षा यांनाही ते उपयुक्त ठरावे, हा दृष्टिकोन ठेवला आहे.
पुस्तकात शक्य तितकी, साधी, सोपी, रोजच्या व्यवहारातील भाषा वापरली असून स्पष्टीकरणांवर व पर्यायाने विषयाच्या आकलनावर अधिक भर दिला आहे.
सुधारित व विस्तारित स्वरूपातील ही पस्तिसावी आवृत्तीही लवकरच विद्यार्थिप्रिय ठरेल व ‘बुद्धिमापन चाचणी’ या विषयात आपणास भरपूर गुण मिळवून देण्यास साहाय्यभूत ठरेल, अशी खात्री वाटते.
आपला,
व्ही. एस. क्षीरसागर
(K’Sagar)
Available at AAi Book Centre or on
www.punebookdepo.com or call on 9922492415
Reviews
There are no reviews yet.